Os nosos servizos

Nesta modalidade elaboraremos un informe cunha maior precisión do valor histórico-artístico da peza.

Á hora de levala a cabo é imprescindible ter os estudos necesarios regrados que capaciten á devandita persoa a poder asinar un informe de taxación con total validez legal. Presentamos informes de taxación de todo tipo de obras de arte profesionais e asinados polo perito, coa súa correspondente factura. Para coñecer o prezo da obra hai que estudala. Hai que estar atento aos últimos movementos no mercado da arte (poxas, feiras, mercado particular), modas, economía actual e coñecer a peza de maneira detallada (época, materiais, procedencia…).

Efectuaremos un estudo físico exhaustivo, que inclúa unha reportaxe fotográfica profesional. Faremos un minucioso estudo da peza, atendendo ás súas características estilísticas e históricas, levando a cabo unha catalogación o máis concreta posible da mesma.

Concluiremos o valor de mercado da peza mediante unha comparativa con outras mostras de mercado o máis similares posible (método beta e método de índices de corrección) expostas no propio informe, o que fai que se demostre de maneira obxectiva a situación actual do mercado con respecto a esa peza en concreto.

A realización dun informe de taxación é moi interesante para aquelas persoas que queiran saber o valor dunha peza, ben sexa para unha división testamentaria, para vender a obra nunha sala de poxas, anticuario ou galería, pero tamén para asegurala adecuadamente.

Este informe permite coñecer o valor da obra de arte ou antigüidade que se posúe, para logo poder vendela, coñecendo perfectamente o seu prezo xusto.

Método de actuación:

Veremos «in situ» e realizaremos un informe de taxación detallado que incluirá un estudo fotográfico da peza en cuestión.

Pasos que debe seguir:

1. Deberá poñerse en contacto connosco, ben vía telefónica (981 57 40 16 – 676 87 19 89), ou ben por correo electrónico (info@galantiqua.com), indicándonos os seus datos e que tipo de peza/s desexa taxar, onde se atopa para que podamos achegarnos a vela etc. Galantiqua está situada en Santiago de Compostela, pero realizamos taxacións en todo o territorio nacional e no estranxeiro.
2. Teremos unha primeira toma de contacto, onde estudaremos as súas necesidades e tentaremos concretar a maneira máis cómoda para vostede á hora de concertar unha visita, onde poder revisar a peza, tomar os datos necesarios e realizar as fotografías pertinentes. Ofrecemos dúas modalidades de taxación presencial da súa obra de arte:
   — Visitando as pezas e desprazándonos a onde estas se atopen.
   — Concretando unha visita para ver as pezas na nosa oficina (Rúa do Preguntoiro, 9, Santiago de Compostela).
3. Tras o intercambio de información, farémoslle un orzamento do prezo que terían a visita e o informe.
4. Unha vez aceptado o orzamento, remitirémoslle a folla de encarga de taxación presencial personalizada que deberá enviar asinada por correo electrónico ou por correo ordinario. Nesa folla aparecerán os nosos datos para que poida facer o pago. É necesario abonar o 50  % do total do orzamento no momento da visita e o resto cando lle sexa entregado o informe. No momento no que teñamos a folla de encarga de taxación presencial personalizada asinada, concretarase a visita cando mellor lle conveña para poder ver a peza. Adaptámonos ás necesidades de cada peza en concreto, estudando a mellor maneira de actuar, tendo en conta as necesidades do cliente e do valor da peza.

Informe de taxación de arte e/ou taxación de antigüidades perfectamente definido, seguindo criterios obxectivos e independentes de profesionais, que ten a vantaxe de que é rápido e sinxelo, pero recollendo todos os datos imprescindibles nun bo informe.

Presentaremos un informe veraz e con validez da titulación que nos acredita, asinado polo perito, que se realiza baseándose nas fotografías remitidas e as características que se indicaron.

Pasos que debe seguir:

1. Poñerse en contacto connosco, ben vía telefónica ou ben por correo electrónico, indicándonos os seus datos e os datos que coñeza relativos á peza (medidas, material, época ou data aproximada, procedencia…), ademais de fotografías detalladas, onde se aprecien de maneira clara as distintas partes da peza.
2. Remitirémoslle canto antes un correo confirmando que temos todos os seus datos, así como os relativos á peza, indicándolle se fose necesario ampliar algún dato referente á mesma para poder levar a cabo a taxación da peza.
3. Unha vez que temos os datos necesarios, remitirémoslle a folla de encarga de taxación en liña que deberá enviar asinada por correo electrónico ou correo ordinario se prefire.
4. No momento no que teñamos esta folla, empezaremos o informe. Cando estea listo, farémosllo saber e seralle enviado á dirección que nos indique cando o pago se realice. O informe de taxación da obra de arte ou antigüidade realizado seralle enviado por correo ordinario ou en PDF por correo electrónico, asinado polo perito. Nel figurarán, tanto os seus datos, como os da peza co seu correspondente valor de mercado.

A taxación de xoias comprende un estudo moi específico que non pode ser levado a cabo por calquera taxador, nin sequera por calquera xoieiro. É necesario ter os coñecementos adecuados en metais, xemas, pedras preciosas e, mesmo, en historia da xoiería. O mundo das xemas ten unhas particularidades determinadas que necesita, ademais de amplos coñecementos no material, unha serie de aparellos técnicos específicos.

Para iso, contamos cun xemólogo-taxador experto profesional que levará a cabo un estudo e análise das características técnicas e de identificación das xoias, así como o seu valor actual.

O procedemento dependerá das necesidades do cliente, pero a trazos xerais comeza cunha visita á nosa oficina ou un desprazamento do xemólogo-taxador para ver as pezas e tomar os datos pertinentes, ademais de asinar a folla de préstamo das xoias, onde aparecerán reflectidas as súas características xerais. Tras isto, as xoias serán levadas ao laboratorio (é imprescindible que sexan estudadas cos aparellos tecnolóxicos adecuados).

Unha vez avaliadas as xoias, realizaremos un informe de taxación que se entrega ao cliente no que se inclúen todas as características das xoias, o seu valor actual e as fotografías das pezas valoradas. Presentaremos un informe de taxación profesional, obxectivo, detallado e actualizado.

Como profesionais, non facemos taxacións nin aproximacións das xoias por fotografías ou tras unha primeira visualización, xa que é necesario analizalas persoalmente e cos instrumentos adecuados para garantir a calidade da devandita taxación.

A taxación non se basea en compravenda de xoias, posto que as nosas valoracións son completamente independentes e obxectivas, realizadas por profesionais do sector e conforme á normativa (IGE, IGME, Asociación Española de Taxadores de Alfaias). Este informe de taxación específico achega valor á xoia en cuestión, xa que proporciona, ademais do seu valor económico, a súa perfecta catalogación (algo que non variará co paso dos anos). Recomendamos levar a cabo un informe de taxación de xoias para seguros, herdanzas, litixios xudiciais, notarías, aduanas ou para vendas das mesmas sen temor a que nos estean enganando.